1 | |
HStAOrient5a: 83v u ʿarżdur. A‑fa‑lam yanẓurū fī malakūti s‑samawāti wa‑l‑arḍi: // Ammā ẓannīyāt [mes̱elā] āftāb‑i ʿālem‑tābuñ bürūc‑i felekīyede intiqālinden // taġayyür‑i fuṣūl‑i sāle istidlāl ėtmekdür sermā gibi ve germā gibi // ve iʿtidāl‑i hevā gibi. qāla llāhu taʿālā. wa‑qaddarahū manāzila. // El‑āyet. Bu mertebe daḫı şerʿan merdūd degüldür. Ammā vehmīyāt // mes̱elā ittiṣālāt‑i kevākibden ḥavādis̱‑i süflīyeye ḫayrına // ve şerrine istidlāl ėtmekdür bi‑ṭarīqi l‑ʿumūm ve aşḫāṣ üzerine // istidlāl ėtmekdür bi‑ṭarīqi l‑iḫtiṣāṣ. Ve bu qısmuñ bir aṣl‑i // şerʿīyeye istinādı yoqdur ve qābil‑i iʿtimād degüldür. Ol // eclden merdūd‑i şerʿdür ki resūlu llāh ʿa.m. buyurur: Iḏā ḏukira // n‑nuǧūmu fa‑amsikū wa‑qāla n‑nabīyu ʿalayhi ṣ‑ṣalawātu wa‑s‑salām // taʿallamū mina n‑nuǧūmi mā tahtadūna bihī fī l‑barri wa‑l‑baḥri ṯumma ntahū. // El‑ḥadīs̱. Şeyḫ ʿAlāʾuddevle ʿUrve adlu kitābında buyurur // ki: Qaçan sen maṭaruñ ittiṣālāt‑i ʿulvīye sebebi ile ḥādis̱ // olduġın bilmek dileseñ Allāh taʿālānuñ bu qavlin // qırāʾat eyle ki buyurur: Fa‑fataḥnā abwāba s‑samāʾi bi‑māʾin munhamirin. [El‑āyet.] // Ve fetḥü l‑ebvāb l‑bāb inṣırāf‑i qamerdür ve bir kevkebden bir // kevkeb‑i āḫara ittiṣāldür ki ol kevkebüñ ḫānesi kevkeb‑i evvele // muqābil ola mes̱elā qamerüñ Zühreden Mirrīḫe inṣırāfı gibi. |